Selmana de les lletres asturianes

Falta pocu pa que cellebremos la selmana de les lletres asturianes asina que vais poner nel vuesu blog una entrada na que faléis d'esta cellebración:

 tenéis que poner daqué de los oríxenes de la selmana de les lletres, qué ye lo que se fai, lo que se cellebra, a quién ta dedicada esti añu, música y cantares que se faen pa esi día, la manifestación que cuerre les cais d'Uviéu, ... too ello axuntando semeyes, vídeu y audios que topéis ... ánimu a ver si vos queda una entrada guapa.

Curtiumetrax -- trabayu del videu

Mozos esti ye'l curtiu-metrax entituláu 3Versiones, ye d'un mozu de Carreño que noma Pablo Quiroga y fae coses perinteresantes, esti ye'l so tercer curtiu.
Atendéi pa él y ponéi procuru na historia y nos diálogos, que tienen sustancia... darréu van les xeres nun penséis que ye pa pasar el ratu en clase de llingua...


tres versiones from Chisko on Vimeo.



Dempués de ver bien el vídeu, equí vos dexo les entrugues de comprensión n'educastur campus. Pinchái equí

Fai una instancia

Los vecinos de Ventanielles tienen que facer un conceyu de tol barriu pa decidir si reclamen al ayuntamientu la igua de les cais que tan alredor del institutu o si faen una andecha, asina que tan peresmolecíos porque de mano van tener que pidir una sala pa facer el conceyu  y tien que ser una salona bien grande na que cueyan munches persones.

Dende llueu l'ayuntamientu facilítales pero hai que la sollicitar pente medies d'una instancia.

Tocóte facer los trámites porque yes unu de los presidentes de comunidá que más tas lluchando pa que quiten el furacu que tenéis delantre'l portal y toos saben lo estudiáu que tas asina que ..... Fai la instancia que vas tener que meter nel rexistru del ayuntamientu.