Esta ye una semeya d'un sitiu d'Uviéu, ta per un llau de la catedral y equí pue vese la torre románica que entá se caltién de la iglesiona medieval qu'equí hubo. Lo que ta alredor agora ye un prau con unes cuantes piedres pero n'otru tiempu foi el palaciu de Alfonsu II. Casi que equí ta'l centru d'Uviéu; polo menos, el centru de la ciudá medieval.
Préstame esti sitiu porque ta guardao y poca xente se para a miralo, los que vienen ver Uviéu nun saben lo que ye y los d'equí tampocu, magar que pasen tolos díes per delantre. Amás ye un sitiu que tienes que buscalu, pasa poca xente y caltién arume medieval.
Dalguién diz que si vas pela alborada y hai borrina pues ver per un furaquín el sieglu IX y al mesmu Alfonsu II si esperes a que s'esmuza sele la borrina.